藝人王君馨做歌手後，第2首單曲《尖叫》MV今晚首播，6個造型有華麗晚裝、睡衣同泳裝，盡騷身材！佢又同飾演「老公」嘅林德信（Alex）有火辣床戲，着上性感內衣嘅佢，同Alex埋身肉搏，簡直係挑戰性感尺度，睇到人㷫合合！佢話適逢情人節將至，想將呢首歌送畀每對夫婦，期望藉着呢首歌令夫婦再次燃起婚姻之火。
拍前同老公備定案
佢特意喺拍攝前，先帶Alex畀老公過目，將MV拍攝嘅過程同畫面話畀老公知，同老公大派定心丸。呢個MV將會係佢入行以嚟，最勇敢嘅幕前演出，將自己嘅尖叫熱情帶畀觀眾。
呢次MV製作費比上一首《Casada》龐大，由佢自編自導自演，由前期構思內容到場景，設計拍攝鏡頭運用同角度，直至後期剪接都親自參與，希望將佢想表達嘅訊息透過MV呈現。
來源 source: http://hk.on.cc
|
鍾意就快D Share啦！
|
|
|