歌手連詩雅被爆於新居不時霸佔屋苑內的訪客車位，為貪方便少行幾步而棄自己專用車位，住客已先後多次投訴不果。對此，她出席公開活動時，甫見傳媒已不停耍冧：「公司今朝已打嚟訓話，知自己唔啱大頭蝦，因為架車冇油又急住上樓，所以泊完車即刻上樓，唔記得打去管理處，但依家就settle咗，有畀番時鐘車錢，不過令到其他住客不便，下次會小心啲。」
對於有指她是「慣犯」，她自言向來沒有助手，只有經理人，同事也沒有車牌，平日每次也是自己泊車，問到是否亂泊？她說：「唔係好多次，幾次，唔好意思，滋擾到人好抱歉。（你冇油點開車走？）剩番好少，當下好趕時間，我有車牌4、5年，平時揸車ok，只係唔識分左右，每次要豎起手指諗一諗先知。(搵陳家樂揸？)唔使，自己會處理，自己事自己解決。」
來源 source: http://hk.on.cc
|
鍾意就快D Share啦！
|
|
|
