港女連詩雅為霸用訪客車位道歉 自爆被公司照肺
- 發布日期：2021-01-24 16:51
已複製
歌手連詩雅出道以來，都有不少負面新聞，除被指愛釣金龜，曾跟阿Sa男友，麻雀館太子爺石恆聰拍拖，又指她有港女性格。近日她跟媽咪入住的新居「啟德一號」，亦惹來鄰居投訴。
昨日《蘋果日報》報導，連詩雅被住客指她為貪方便，有自己專用車位唔泊，多次把平治座駕泊在近升降機的屋苑訪客車位。住客就她霸用行為曾向管理處投訴，管理處指連詩雅的回覆是:「唔關我事，係助手泊。」
昨晚她出席《仁濟》活動時為此事解畫，不過答案相當牽強。她說:「因為噚晚架車冇油，擺低咗就咁返屋企，之後唔記得同管理處講。依家已settle咗，有畀返時鐘車費。」
知衰的連詩雅，還自爆被公司照肺，兼且不斷耍冧。「公司今朝已打俾我訓話，我都知自己大頭蝦。」不過在屋苑亂泊車的她被指是慣犯，對此她續說:「唔係好多次，係幾次，唔好意思，滋擾到人好抱歉。」幾次！咁就唔係出於大頭蝦啦。睇嚟港女連詩雅要跟男友陳家樂學下做人處事，至少男友出道至今，行為良好，無乜負面新聞。
- 被指港女格的連詩雅，搬新居後遭住客投訴她貪方便行少兩步，多次霸用訪客車位。
- 昨晚出席活動的她，為此事解畫，強調自己有專用車位唔泊，數度泊在訪客位是大頭蝦之故，又說因為無油，故快快停在訪客位，加上有急事趕返上樓，解釋牽強。
- 她自爆此事被公司照肺，唔知男友陳家樂有冇呵番佢！或者跟男友好好學習做人處事，負面新聞減少出現。
- 連詩雅跟媽咪搬到新居「啟德一號」，即惹投訴。
----------------------------
立即加入壹週刊MeWe
-----------------------------
《香港百年超級豪宅揭秘》經已出版 各大報攤及便利店有售
可按此網上訂購
----------------------------
守住新聞自由 和你撐壹週刊計劃 每月港幣$300起
按此了解更多
來源 source: http://nextplus.nextmedia.com
|
鍾意就快D Share啦！
|
|
|
