香港違例泊車情況嚴重，除車位嚴重不足外，亦有車主為求方便就腳在路邊泊車。近日警方在各區嚴打違泊，除開出定額告票之外，更出動拖車拖走嚴重阻礙道路的車輛。歌手鄭俊弘同太太何雁詩，今日就因為在觀塘違例泊車，座駕因此被拖走。
本報讀者鄭先生透過「爆相爆片」講述鄭俊弘夫婦私家車被拖一事，他接受訪問時表示今日下午約5點半，當行經觀塘敬業街時，見到一輛紅色跑車，被警方召來的拖車拖走，鄭先生說︰「我見到架跑車咁靚俾人拖緊，所以停低望多兩眼。嗰時車尾已經落咗轆仔，拖車師傅搞緊車頭，旁邊有位交通警。冇耐就見到鄭俊弘兩公婆行返嚟，何雁詩走埋去警察度話『架車我嘅，乜嘢事』。」讀者表示何雁詩都好客氣，而警察的回應是一定要拖，促兩人取回車上貴重物品。鄭俊弘同太太只好從車上取回一些物品，之後望着汽車被拖走。事後何雁詩回覆傳媒查詢時表示：「記得遵守法例唔好違泊，唔好為咗一時心急。」言下之意是承認被拖車一事。
從照片中見到何雁詩的汽車為福特的Mustang跑車。根據香港法例被拖走的違泊車輛，會送到就近的汽車扣留中心，車主需帶同汽車牌簿到扣留中心，除要繳交告票的定額罰款外，還要交付扣留費和拖車費後才可領回汽車，一般約為千多元。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|