叫志偉做大佬大腦 余詠珊：好開心佢做我老闆
當年有傳曾志偉跟余詠珊鬧不和，志偉毅然離開無線。日前志偉強勢回歸更成為余詠珊上司，「花生價」即時急升。余詠珊昨晚現身網購節目，以「大佬」及「大腦」稱呼志偉，透露連日跟老闆開會談到本年度的各樣計劃。她說：「志偉話唔錯，佢都有新想法，佢會新年前返嚟返嚟香港再傾。（有無計劃被煞停？）無，有加無減。（過程和平？）當然和平，我好開心佢做我老闆。」
對無線近年的綜藝節目性質單一，例如大量飲食節目，余詠珊解釋：「去年遇到好大問題，出街拍嘢都成問題，其實係唔想嘅，但只可以匿埋喺廠度做，喺許可同安全嘅環境下，逼住做好多好多飲食節目。」問到是否這原因，令到《流行經典50年》不斷重覆錄製？她表示節目收視不錯，亦幫助了不少歌手，若貿貿然停止會影響歌手生計。
汪明荃（阿姐）首次為網購節目擔任司儀，談到曾志偉回巢任職副總經理主理綜藝科，阿姐坦言希望志偉及王祖藍為綜藝節目帶來改變，開拍更多不同模式的節目，她亦願意接受新嘗試。對近年節目太單一化，阿姐說：「例如呢？（大量飲食節目。）係呀！（希望志偉改善山頭主意？）呢個問題我唔識答。用返自已班底都無可厚非，但希望佢多啲包容，發掘多啲人材，百花齊放。」
來源 source: http://hd.stheadline.com
|
鍾意就快D Share啦！
|
|
|
