藝人孔德賢與落選港姐廖慧儀拍拖傳聞甚囂塵上，最近分別上載屋內整嘢食的相片，被踢爆一齊玩煮飯仔，及後男方見成為熱話即刪相。今晚孔德賢出席《bigbigs ...
藝人孔德賢與落選港姐廖慧儀拍拖傳聞甚囂塵上，最近分別上載屋內整嘢食的相片，被踢爆一齊玩煮飯仔，及後男方見成為熱話即刪相。今晚孔德賢出席《big big shop新春感謝祭》活動時，否認雙方發展地下情，他說：「嗰晚係有個共同朋友嘅生日派對，我上到去先至知佢喺度，但都冇乜特別交流，過去就由得佢過去，都係食餐飯。如果我有嘢唔會白癡到咁樣Po相，刪相係因為我一次過上載5張，覺得太煩，所以先至精簡一啲（依家冇聯絡？）冇聯絡，亦冇一齊合作過，我仲係拍緊嘢（之後會避忌啲？）會，會問清楚有啲乜人先。」
