在疫市之下，「絕世好老公」陳豪認真巴閉！去年依然年賺過千萬，陳氏一家五囗新一年又更上一層樓！最近，陳豪月租10萬，在南灣嘉麟閣租住2200呎單位，新屋大廳坐擁180度無敵海景，認真豪！
男主外，女主內！最近，Aimee 亦忙於幫新屋搞裝修，更落手落腳組裝電視櫃。日前《壹仔》更見到Aimee出動，幫新屋添置家品、廚具。一向出名是名牌奴隸的她，挑選廚具時，竟然唔幫襯港女最愛的LC ，反而買出名實用的美國康寧餐具，十分識貨。
為仔女搬港島
為仔女搬港島
結婚8年，陳豪陳茵媺一共誕下兩仔一女。一家五口原本居住大埔比華利山2500 呎大屋，市值3500萬。17年，兩公婆替大仔Aiden 報讀位於半山的香港猶太教國際學校。由大埔去半山，來回車程起碼兩粒鐘，雖然有爸爸送返學，但《壹仔》都見過Aiden 坐車坐到冇心機。為了方便囝囝返學，18年，陳豪一家決定由大埔搬去港島南灣嘉麟閣，月租7萬。Aimee落手做電工
Aimee落手做電工
住足2年，仔女開始大個。今年年初，陳豪決定細屋搬大屋，在同一個屋苑，租住一個較大的單位。新屋實用面積2200呎，有180度無敵海景，更有巨型廚房，客廳、飯廳亦非常寛堂，月租超過10 萬。最近Aimee 亦忙於搞新屋裝修，落手落腳做埋電工，裝嵌電視櫃同書架。Aimee 就解釋話因為疫情關係，唔想請人上門安裝，寧願親自落手。- 因為疫情關係，唔想請人上門安裝，最近Aimee忙於搞新屋裝修，落手落腳做埋電工，裝嵌電視櫃同書架。
- 新屋實用面積2200 呎，月租超過10 萬。
- 露台望180度無敵海景，陳豪早前在家中bbq，認真寫意。
- 客廳、飯廳亦非常寛堂，飯廳可擺放巨型餐枱。
有司機接送
有司機接送
搬新屋，當然唔少得添置家品！日的《壹仔》見到Aimee，單拖到百貨公司家品部，首先去揀風筒，之後買吸塵機。最後更幫襯師奶仔最愛的康寧餐具，掃了兩大袋戰利品。平時自己揸車的Aimee，當日更有司機接送。逛足兩粒鐘，Aimee 再去韓國餐廳買外賣。家中大小事務都親力親為，抵陳豪咁錫你！
全台最高薪藝人
全台最高薪藝人 早排被網民封為「抗疫好爸爸」的陳豪，出席Tvb 活動時，寧願「犧牲個樣」，都堅持戴外科口罩。一向形象好的他，在疫市之下，依然深受廣告品牌歡迎，繼續有錢搵。加上有傳他去年成功以3000萬續約TVB ，係全台最高薪藝人。就算全年只開拍《陀槍師姊2021 》同《白色強人2》兩套劇，但陳豪簽的包薪經理人約，一樣個個月有糧出。
加埋咖啡店同甜品店的收入，輕輕鬆鬆年賺過千萬。難怪陳氏一家五口，在疫境下依然可以愈住愈豪！
----------------------------
立即加入壹週刊MeWe
-----------------------------
《香港百年超級豪宅揭秘》經已出版 各大報攤及便利店有售
可按此網上訂購
----------------------------
守住新聞自由 和你撐壹週刊計劃 每月港幣$300起
按此了解更多
來源 source: http://nextplus.nextmedia.com
|
鍾意就快D Share啦！
|
|
|
