藝人李施嬅早前到加拿大拍劇，然後返港接受隔離，佢特意剪咗段片分享隔離21日嘅情況及貼士，讓網民可以了解更多。片中佢話兩度隔離唔容易，獨自度過農曆新年、生日及情人節，坦言精神壓力大。不過，佢大讚香港酒店隔離安排完善，除咗1日包3餐、有職員收垃圾及毛巾，隔離期間有2日更有專人上來做檢測。由於冇人能進入房間，打掃、清潔廁所及換床單由佢自己一腳踢，形容經歷好interesting！
佢仲分享排得密密麻麻嘅時間表，由6點幾就起身打坐、食早餐、做運動，中午有閱讀及書寫時間，之後再有發音練習同瑜伽，對於充實時間表，佢感到好有滿足感。愛做宅女嘅佢開頭好享受，不過到第3個星期開始，佢坦言感到好侷促：「抖唔到氣，幾個禮拜未試過吸一啖新鮮空氣，覺得好辛苦。呢啲現象好正常，人唔慣被困住，所以一定要做啲令自己舒緩壓力，我會做運動令自己舒服同keep fit。」
來源 source: http://hk.on.cc
|
鍾意就快D Share啦！
|
|
|
