江嘉敏爆馮盈盈約會例遲
由馮盈盈、江嘉敏、賴慰玲、戴祖儀及劉佩玥主持的J2全新節目《解構心機女》前晚首播，邀來張振朗擔任嘉賓，話題圍繞身形較嬌小女生的機心，以及約會時「例遲」等問題。振朗被踢爆鍾情矮小女生，他靦腆地說：「可能係因為有種想保護佢嘅感覺！我亦試過雨天喺街等個女仔，等足兩粒鐘。」談到女生向異性「借衫」問題，賴慰玲即笑說：「以前排戲凍，好熟嘅女仔叫我凍死都唔好問在場男生借衫着。」祖儀唔怕醜自爆：「以前試過同男仔去睇戲，佢借件衫畀我，我攞返屋企攬住嚟瞓！」
至於「約會遲到」話題，盈盈搶着說：「有樣嘢叫fashionably late，即係好似約人傾生意，遲5分鐘到畀佢哋準備。」想不到此話一出，江嘉敏即說：「怪唔得我哋約佢（盈盈）出街有咁多藉口遲到」事後盈盈回覆表示：「同佢都有成年冇約過出嚟嘞，如果之前我真係有遲到，講番聲對唔住，希望佢唔好放喺心」
來源 source: http://orientaldaily.on.cc
|
鍾意就快D Share啦！
|
|
|
