2021年4月15日星期四

普通感冒致呼吸困難留院譚杏藍嚇親以後會量力而為 #譚杏藍

普通感冒致呼吸困難留院譚杏藍嚇親以後會量力而為

譚杏藍在IG透露近日因感冒導致呼吸困難，需要留院接受治療。

歌手兼YouTuber譚杏藍（小花）涉獵多方面的工作，包括主持、演戲及唱歌等，工作都幾忙。小花喺IG透露近日因感冒導致呼吸困難，並需要留院接受治療，由於疫情時期入院，朋友及Fans都好擔心，小花留言解釋：「折騰咗一晚，首先感謝大家關心，放心，我唔係肺炎」她續道：「由前幾日開始，由普通感冒，一夜之間變成呼吸困難，全個人都有種前所未有嘅奇怪感覺。」

小花指原本以為是哮喘發作，直到自己連藥也吃不到後，才得知問題嚴重。原定拍MV的計劃亦被逼改期，她說：「本來想捱到今日拍埋MV先至熄機，但係身體好似已經話俾我知，譚杏藍麻煩你休息。」小花直言在這個月內多晚因呼吸困難而失眠，直至昨晚入院治療，才有覺好瞓。小花又指自己每年4月都特別黑仔，身體不時出現毛病。她最後表示經過今次教訓，自己日後會盡力而為，照顧好身體，努力走下去，她亦感謝大家關心，更希望盡快出院，回到家中休養。吳若希、林芊妤、林欣彤及林奕匡等好友都留言叫她保重。