日本女團AKB48上海姊妹組合SNH48喺大陸有唔少粉絲，不過人紅多是非，組合成員頻頻被爆黑材料，今次更被網友發現發生舞台事故後，竟然冇人理當眾暈低嘅成員，要佢自行爬入後台尋求工作人員協助！
女團成員馬玉靈曾獲SNH48人氣總選舉第35名、又參加過節目《創造營2020》，有一定知名度，不過日前傳出一段影片，影片中馬玉靈同隊友舞台上表演，但馬玉靈臉色愈發蒼白，喺其中一個轉身動作後，佢突然倒地，持續好幾秒冇企喺身，不過當時隊友正專心表演，冇人注意到佢倒地。摔倒後馬玉靈嘗試自己起身，但掙扎咗幾次都冇成功，於是佢慢慢爬向後台，並向工作人員呼救。表演臨近尾聲，終於有隊友發現，立刻上前攙扶。
事後馬玉靈喺粉絲群報平安，表示自己最近食得太清淡，加上冇食晚餐，及支氣管炎發作，抱歉令大家擔心。
來源 source: http://hk.on.cc
|
鍾意就快D Share啦！
|
|
|
