張繼聰Key圖扮揸車去咗富士山 謝安琪笑爆玩嘢：在那邊生活好嗎
張繼聰與謝安琪（Kay）結婚14年，兩人相處依然有不少情趣，如經常在網上互動耍花槍，笑死好多網民。近年阿聰沉迷騎電單車，假日一早起身約車友遊車河，過完癮先交人。收過老公送贈電單車嘅Kay早前仲去報名學揸電單車，期待未來張氏夫婦電單車出遊記。
未有電單車牌嘅Kay 在IG發文網上尋夫，她分享了一張阿聰與電單車及P圖富士山的合成照，當時阿聰在自己ig表示：「冇嘢㗎，悶悶哋，咪同班朋友，去河口湖走番轉囉，之後去富士山浸個溫泉。」張太拎咗張相搞笑留言問老公：「聰，你和一班電單車友，在那邊生活好嗎？我們在這邊還好。勿念。琪」
貼文引來林芊妤、陳瀅及顏卓靈留言大笑，蔡思貝亦大讚：「你們太有情趣了吧！」有網民笑言阿聰已經揸到唔識返屋企」，亦有人為Key圖Key上Key，將2000年日劇《美麗人生》中，常盤貴子坐輪椅的造型照Key在「港版木村」阿聰身旁。阿聰其後亦轉發該圖，大讚網民P圖好正。
來源 source: http://hd.stheadline.com
|
鍾意就快D Share啦！
|
|
|
