歌手鄧紫棋（G.E.M.）與造型師男友Mark（魏俊傑）屢傳婚訊，即使二人多次否認，大家都睇好佢哋遲早都會拉埋天窗，而近日G.E.M.上節目受訪暢談感情觀，更透露已經買定BB衫，即被瘋傳同男友已秘婚！
但其實G.E.M.喺節目中，就提到自己要先結婚先可以生小孩，又透露已經諗好小朋友乳名：「女兒叫小橘子，兒子叫小芒果。」又表示已經買咗2件畀1歲小朋友着嘅BB衫，分別寫住「我愛爸爸」、「我愛媽媽」。不過佢嘅「禁未婚懷孕論」，就被指係寸爆前緋聞男友華晨宇同張碧晨秘密生女。
G.E.M.又分享感情觀，認為感情中兩個人如果係旗鼓相當會更容易相處：「起碼大家的心理素質可能是比較匹配了！」佢又話愛情需要接受考驗，唔能夠太容易得到：「我覺得結婚了或者在一起了，並不是結局，你不到死的那一刻，還跟這個人相愛着，它是一輩子去證明的一個考驗。」
來源 source: http://hk.on.cc
|
鍾意就快D Share啦！
|
|
|
