歌手李克勤出席無綫慈善節目，與一眾《聲夢傳奇》導師同台表演，手持拐杖的他透露近日再受傷，繼日前踢波傷到膝蓋，之後腰部舊患亦發作，認真慘情！
談到太太盧淑儀近日以首置身份，豪掟逾2,500萬元買下香港仔黃竹坑站晉環一個937方呎的單位，克勤聞言即失笑：「我幾乎係睇新聞先知，趁我教緊人唱歌、唔係好覺嘅時候，佢略略提過，直到我睇到報道，我問佢呢，佢就話我：『多事！』、『識乜！』。（太太用私己錢買？）唔知，我都一頭霧水！（自住定投資都唔知？）等我返去問吓佢先」
對於「聲夢」一班導師近日被轟胡亂淘汰學員出局，身為主理人的克勤，也感受到導師們的慘況，坦言手掌手背均是肉，自己亦先知先覺，當日決定不做評判，無需參與淘汰環節。至於好友譚詠麟大讚學員炎明熹，被指是「死亡之吻」，又指克勤是「大器晚成」，克勤笑說：「咁要我點答呢？手掌是肉手背也是肉。（會唔會同阿倫一齊幫曾志偉拍節目？）我係冇所謂嘅，但依家首要係等通關上去搵錢。」
來源 source: http://hk.on.cc
|
鍾意就快D Share啦！
|
|
|
