2021年5月31日星期一

IG Po文感謝舊愛阿芬多年陪伴肥仔強調暫時未能繼續留復合後路

肥仔終於就分手一事回應。

ERROR因為ViuTV節目《ERROR自肥企画》而爆紅，終於如花姐所願，但隊長肥仔(梁業)的初戀女友阿芬於上周二在FB宣布跟肥仔結束八年情，31歲的肥仔事業得意愛情就未能結果，事後肥仔坦承跟阿芬已分手一段時間。

舊愛公開「分訊」五日後，肥仔終於在IG Story就分手一事發表感言：「多謝阿芬咁多年嘅陪伴，可能暫時未能繼續走落去，但係我哋會繼續支持對方，未來，我會繼續專注自己嘅工作，多謝大家關心，因為阿芬唔係公眾人物，希望我嘅事唔會影響到佢」。一句暫時未能繼續走落去好明顯留復合後路，肥仔跟阿芬曾經都分過手再復合，再重新開始都唔係冇可能，話晒兩人都係對方的初戀情人。