樂壇天后王菲第一任前夫竇唯，當年貴為黑豹樂隊主音而被譽為音樂才子，雖然唔算超靚仔，但外表都算青靚白淨，難免迷到愛才王菲為佢倒痰罐。不過但自從佢因出軌而同王菲離婚後，事業走下坡，好幾次被網民捕獲於北京街頭，仲暴露咗佢灰白長髮同大大個「地中海」，容貌蒼老，仲添加個大肚腩，不修邊幅造型十足潦倒大叔。
不過近日又有網民疑影到佢最新照片，見佢深夜單拖現身平民快餐店，雖然肚腩依然係咁凸，打扮照舊隨意，不過剃光頭嘅佢，反而有顏值回春嘅感覺。佢當晚點了兩個套餐，但其中一個要用手機落單先得，唔知佢係咪「科技嘅嘢識條鐵咩？」，搞完一輪最終放棄，惟有去收銀服務台掏個飽經風霜嘅銀包出嚟畀現金，對家陣已習慣用電子貨幣消費者嚟講，竇唯嘅消費模式簡直是「異族」，所以目擊者話最後選擇唔上前打擾這位「世外高人」。
來源 source: http://hk.on.cc
|
鍾意就快D Share啦！
|
|
|
