壽司郎Sushiro 早前宣布喺新界再開新舖，喺6月份於大埔開新舖～大埔嘅各位，準備好排隊食未呢～你問喺邊排隊？咁就要睇落去
撰文：Andy｜圖片：壽司郎Facebook 截圖｜編輯：海月
壽司郎大埔6月開新舖 新界人又有口福
喺香港人氣爆燈嘅迴轉壽司舖──壽司郎又開新舖啦～早前，壽司郎因為進駐屯門而引起全民討論，唔少人相信透過壽司郎嘅進駐，屯門會增加更多人氣。
壽司郎最近又有新動作，今次壽司郎進駐嘅地點係大埔！壽司郎已經喺自己Facebook page放出消息，即將於6月中開幕！目前，大埔安邦路8及10號大埔超級城B區1樓128號嘅分店已經圍曬板裝修緊，同時亦喺度招聘緊人手，大埔友今次就爽啦～！
壽司郎高質壽司親民價 幾乎日日排長龍
壽司郎作為最強平民迴轉壽司店，憑藉高質壽司同親民價格，每次開店都引起全民關注。而且，每次新舖開張壽司郎都會推出優惠活動，進一步吸引顧客光臨。
唔少網民都好羨慕屯門友，更係希望壽司郎可以喺自己住果頭開翻間。等自己去食都就腳D～除左天水圍、西貢、上水外，一海之隔嘅澳門網友都想壽司郎去開店，睇來壽司郎真係魅力沒法擋啊，希望壽司郎可以快D開多幾間，等更多人可以一飽口福啦～ 
來源 source: http://www.nmplus.hk
|
鍾意就快D Share啦！
|
|
|
