無綫處境劇《愛．回家之開心速遞》收視一向都好好，但有個壞消息，其中一條製造大量笑料嘅香港島大學（島大），隨住周嘉洛因為要拍新劇而暫別劇組，所以「島大」呢條線亦都出現變化，劇中飾演阿壯嘅焦浩軒，Post出一張背影照說：「再見，多年嘅大學生活，大家終於成長畢業。」而「書蟲」（林浩文)、頭皮（吳卓衡）亦有轉發，並表示「miss you guys」。不過最好笑係池子孝（阮政峰）嘅留言，因為佢表示：「你哋畢業咋喎，我未架（㗎）喎，咁我可以扁嘴留低我一個人。」
隨後，蘇韻姿都上載合照，留言：「就像真的大學一樣，每一步都有大家在旁，一起成長。好感恩能夠同大家一起「上學」，不捨得但是終於要 #告別學園#心如嘅博士學位仲未完成㗎！」
不過最令人驚喜嘅係「朱凌凌」吳偉豪現身，早前佢捲入自慰片風波，之後潛水咗一段時間，今次首次有新相出現喺社交網，而身旁仲有林凱恩及蘇韻姿搭實膊頭，似乎係想畀啲鼓勵佢！不過未知張相嘅拍攝時間，未知係新相定舊相呢？不過亦有好多網友話呢張相好似成班演員同吳偉豪告別時影嘅合照，話佢捲入自慰片風波後，前途未明，仲有冇得拍《愛》都係未知之數！
來源 source: http://hk.on.cc
|
鍾意就快D Share啦！
|
|
|
