Model出身嘅陳瀅近年喺演戲上不斷有新嘗試，早前喺《愛美麗狂想曲》中有大膽性感戲，着喱士內衣及黑絲，谷胸色誘蕭正楠，展現豪放一面！而喺熱播嘅《伙記辦大事》中，同現實中大佢逾20年嘅馬德鐘有感情線，仲有水底親密戲，而尋日嗰集，陳瀅兩場喊戲就大獲好評，唔少網民讚佢演技大躍進呀！
呢集講到佢點解咁唔鍾意劇中嘅歐陽震華，陳瀅聲淚俱下咁話對方害死佢阿爸、拆散佢頭家，搶走埋阿媽！佢激動爆喊喊到流埋兩行鼻涕，睇到人心都實埋，而馬德鐘就攬實佢安慰！
之後佢哋到沙灘傾偈，而呢場喊戲就好唔同，佢娓娓道來點解咁憎歐陽震華，今次佢層層遞進，講到眼泛淚光、哽咽、再落淚，令人心痛！好多人都留言大讚佢呢兩段戲都做得好好，唔係一味喊，睇到唔同戲份都有唔同嘅喊，叫佢加油繼續努力呀！
來源 source: http://hk.on.cc
|
鍾意就快D Share啦！
|
|
|
