ViuTV《ERROR自肥企画》出街一星期，集集成話題，四子瞓身受罰，其中未正式走出雪櫃的保錡，連陰毛都要犧牲，成就節目效果，亦因此陸陸續續有聲音表示：「睇過保錡節目上嘅付出同搏命，希望畀多次機會佢。」
日前有讀者爆料，見保錡在一個市集攤檔賣衫，Service同做節目一樣的瞓身，不過因為戴了帽同口罩遮樣，客人認不出這位好客之道的檔主，正正就是ERROR保錡。
本刊記者以顧客身份去到檔前聊兩句，講到他為節目搏命，保錡虛心回應：「節目上都係想盡力做啫，因為我想香港觀眾可以有啲新嘢睇。」
- 網民翻睇Error節目，發現保錡工作投入又抵得諗，因而對他改觀。在播出中的《ERROR自肥企画》，他要接受大懲罰的蜜蠟式脫陰毛，如此犧牲，贏得網民掌聲
- 呢堆只是保錡被脫的腋下毛。
- 入娛圈前做時裝店sales的他，摺衫好快手。
- 保錡一件Tee賣350蚊，為做到生意，攞手機mon當鏡畀客人照都在所不辭，不過買帽男認不出呢位咁好招呼的檔主，正是ERROR保錡。
193寸153變相救保錡
193寸153變相救保錡
自從193寸153以及TVB的敢言偉論大快人心之後，ViuTV旗下話題性不斷，一直備受觀眾、網民留意，連ERROR舊節目《花姐ERROR遊》第一、二季以及《ERROR自救TV》齊齊翻Hit，更令好多過往不認識ERROR的人，表示看後欲罷不能，大讚ERROR四子以及其節目搞笑又高質！至於因感情事被雪的保錡，部份觀眾看到他在節目中表現，既抵得諗又夠搏命，尤其憑「快吞轟」挑戰食昆蟲，日本勁辣拉麵等等；乜都驚的他，雖然一殼眼淚一行鼻涕咁挑戰笨豬跳失敗，但生吞臭腥金槍魚眼、過萬蜜蜂當衫著上身等等，觀眾隔住mon睇都覺得惡哽，ERROR其他隊友嗌晒救命晨早就放棄，惟獨保錡面不改容頂硬上完成，勇氣與精神可嘉。
- 早排《ERROR自肥企画》宣傳時，仍在雪藏中的保錡被導演Mike貼上「反省中」遮樣出鏡，甘心受靶的保錡，反得網民要求Viu解凍釋放。
- 過去兩輯《花姐ERROR遊》，去到盡的保錡要接受難吃食物挑戰前，必以「快吞轟」為自己打氣，他亦把這句口頭禪，變成自家Tee圖案。
做節目夠搏網民代求情
做節目夠搏網民代求情
早排ERROR新節目宣傳，他被「反省中」遮面，網民見到都替他不值，紛紛要求「釋放保錡」，希望綜藝效果好好的ERROR可以齊齊整整，不要四缺一。近日出街的《ERROR自肥企画》，保錡為了節目依然去到好盡，化晒妝浸在水裡扮《新世紀福音戰士》初號機，甚至接受大懲罰蜜蠟式脫陰毛，痛得他爆粗嗌救命，觀眾就笑到gap gap聲，不少網民都讚他夠搏。
保錡:想香港觀眾可以有啲新嘢睇
保錡:想香港觀眾可以有啲新嘢睇
做節目做到陰毛都要犧牲，贏返唔少掌聲，保錡話：「其實我做好自己，無特別諗其他嘢，純粹想做好節目，節目上都係想盡力做啫。因為，我想香港觀眾可以有啲新嘢睇。我覺得鍾意同唔鍾意係一線之差，控制唔到，但係我而家努力做好自己。我自己對自己嘅要求就係，每一日都比昨日做得更好。」之後我哋表明記者身份，佢就即刻封口：「唔好意思，我唔方便回答太多。」明嘅。
賺幾舊水招呼周到
賺幾舊水招呼周到 當日與保錡在市集擺檔賣衫的拍檔，有點熟口熟面！原來此君就是在《ERROR自肥企画》第2集「任何人？友達？」之中出鏡撐他的朋友之一。賣衫的保錡，同做節目一樣落力，一見有客就把良機落力sell，又說自己以前做過服裝sales，所以想繼續涉獵呢方面，尤其街頭fashion。難怪見他推銷T恤設計理念給客人頭頭是道，而客人試戴帽款無鏡用，他更貼心地用自己手提電話個mon當鏡畀客照，果然細心周到。
其雖然大部分客仔，不知面前力sell的人就是ERROR成員，但亦有fans收到風，專誠來捧他場，還拿出500元幫襯！不過一件自家設計T，只需350元，即是500有找！ ![雖然大部分客認不出面前落力sell的檔主是ERROR成員，但亦有粉絲收凡風專誠捧場。]()
- 雖然大部分客認不出面前落力sell的檔主是ERROR成員，但亦有粉絲收凡風專誠捧場。
![同偶像合照之餘，當然有幫襯，拿出五舊水買衫，不過保錡一件Tee賣350蚊啫，有找！]()
- 同偶像合照之餘，當然有幫襯，拿出五舊水買衫，不過保錡一件Tee賣350蚊啫，有找！
![起初以為記者是顧客，保錡仍有傾有講，對於被外界讚他為節目落力，他說:「都係盡力做啫，每日努力做好自己。」]()
- 起初以為記者是顧客，保錡仍有傾有講，對於被外界讚他為節目落力，他說:「都係盡力做啫，每日努力做好自己。」
![日前與他一同開檔賣衫的朋友，原來就是《ERROR自肥企画》第2集「任何人？友達？」之中出鏡撐他(中)的好友之一。]()
- 日前與他一同開檔賣衫的朋友，原來就是《ERROR自肥企画》第2集「任何人？友達？」之中出鏡撐他(中)的好友之一。
16歲工作養家 據悉，保錡家境清貧，來自基層單親家庭住公屋，更有指他小學時家裡電視壞掉，之後一直再冇添置買新的，直到現在家裡仍缺電視機，他只用電腦等其他器材代替。另外，有眼利網民曾發現，保錡IG一條自拍片的室內背景，無論窗簾或是冷氣機，睇落都有一定「歷史」，斷估背景是他的公屋寓所，反映家庭經濟情況。所以保錡十六歲時，為幫輕阿媽，放學到樓下屋邨茶餐廳做外賣仔。
近年組成ERROR，除做幕前，其實亦兼職幕後剪片同音樂工作，賺錢養家。唔怪得《ERROR遊》等節目，一講到有現金獎保錡就上晒身
拍雪糕廣告自嘲 好彩，ViuTV待他不薄，識得將錯就錯，在保錡未正式解凍這段期間，幫他伙拍阿Dee何啟華接一個雪糕廣告，自嘲兼hard sell「食完雪糕就要返入雪櫃」，夠抵死，又贏掌聲。
----------------------------
和你壹起撐住香港主題海報 全港良心商戶免費派發
了解更多
----------------------------
和你壹起撐徽章 良心商店及網店有售
了解更多
-----------------------------
守住新聞自由 和你撐壹週刊計劃 每月港幣$300起
按此了解更多
- 雖然大部分客認不出面前落力sell的檔主是ERROR成員，但亦有粉絲收凡風專誠捧場。
- 同偶像合照之餘，當然有幫襯，拿出五舊水買衫，不過保錡一件Tee賣350蚊啫，有找！
- 起初以為記者是顧客，保錡仍有傾有講，對於被外界讚他為節目落力，他說:「都係盡力做啫，每日努力做好自己。」
- 日前與他一同開檔賣衫的朋友，原來就是《ERROR自肥企画》第2集「任何人？友達？」之中出鏡撐他(中)的好友之一。
來源 source: http://nextplus.nextmedia.com
|
鍾意就快D Share啦！
|
|
|
