藝人鍾欣潼（阿嬌）早前因為參與綜藝節目《怦然心動20歲》，突然暴肥嘅畫面迅即成為全城熱話，隨後佢每次現身均被指有巨躉及凸腩，網民評語好壞參半。
據知阿嬌身形突然暴脹，原來係因為有新電影開拍，類近多年前嘅韓國電影《醜女大翻身》，並加入新元素，由於內容屬商業秘密，所以有關嘅參與者均未能向外界透露細節。今次阿嬌為新戲角色豁出去，拋棄女神形象，為達到戲中角色嘅磅數，刻意增磅，一日最少食五餐，暴飲暴食，增肥過程亦相當痛苦，阿嬌試過食到嘔，又試過食到胃痛、胃抽筋，最近終於有所「成績」變冇頸嘅肥妹。
阿嬌表示接到劇本後都有所考慮，但覺得同時亦係一個機會：「好開心可以挑戰不同的東西，剛好平時也喜歡吃，這次可以名正言順的肥。但事實在這個增肥過程中，也是一件很困難、很辛苦的事。其他內容因為簽了保密協議，所以也不便透露。」
來源 source: http://hk.on.cc
|
鍾意就快D Share啦！
|
|
|
