入行超過三十年走過事業高山低谷的林文龍，去年放下演員工作，上場擔任亞洲心動娛樂（AMM）副總裁，走入毫無經驗的管理範疇接受新挑戰，堅持有要求才有進步，唔會將「困難」放大，穩守一年近期終於有大搞作，搵來神級監製戚其義，與及十優港姐麥明詩開荒拍劇省招牌。成功搶贏話題，林文龍卻講明唔要聽員工讚美聲，管人理念清晰。「你沉醉喺嗰個程度，最後輸嘅都係自己！」
林文龍近年以外援身份，幫無線拍了幾套劇集《不懂撒嬌的女人》、《再創世紀》及《那些我愛過的人》，令人氣攀升，他卻在去年放低手到拿來的演員工作，推掉不少幕前賺錢機會，上任成為娛樂網台的副總裁，首度踏足網台管理層由零開始。「命運好巧妙，上天有佢嘅安排，某啲嘢亦掌握喺自己手！
「我覺得有咁嘅狀態同能力，對我嚟講係好事，如果唔係繼續做演員，拍多十多二十年都係演員，我覺得今次對我自己嚟講，係一個好好嘅機會同磨練。」
- 18年幫無線拍下的劇集《那些我愛過的人》於去年播出，已經上任成為AMM高層的林文龍，亦有協助無線宣傳。
- 首次踏足管理層工作，林文龍可謂瞓晒身，幾乎公司大小事務都要兼顧，由傾劇本、搵演員、與綜藝部門開會、甚至搵Crew找場地都有份參與，真係一日二十四小時都未必夠用。
睇唔過眼會出聲
睇唔過眼會出聲
林文龍是性情中人，性格黑白分明從不愛阿諛奉承，曾經因為年少氣盛直腸直肚，令他走過不少艱辛路，就連好友謝天華亦在AMM節目《限聚音樂》上戲言，指他能在這圈子生存到現在是一個奇蹟。「我係一個唔圓滑嘅人，所以喺我年青時候，係好容易得失咗好多人，其實所謂嘅得失，其實同一句說話，係有好多唔同方法去表達，你表達得好，人哋就會好欣賞你，感覺好舒服，解決到問題！
「但如果你表達得唔好就會得罪咗人，從而令你唔單止冇咗個機會，亦因為呢句說話導致你後面有好多機會亦都冇埋！
「我睇唔過眼會出聲，譬如對方真係做錯，我會直言講點會咁樣！咁樣你都得！咁人哋聽咗咪會唔舒服！
「我覺得有時有啲嘢大家要對調身份立場，諗吓人哋嘅感受！」
一路走來碰過不少壁，林文龍用時間同經驗磨平棱角。
「慢慢日子耐咗，人生社會經驗豐富咗，或者碰釘多咗之後，有好多事情你會退後一步。」
- 林文龍與謝天華主持的一集《限聚音樂》，重提兩人當年拍劇趣事，謝天華更戲言，林文龍能在圈中生存到現在是一個奇蹟！
觸及底線會處理
觸及底線會處理
在林文龍口中聽得最多的一句說話是：「必須認真做好每件事！」時至今日即使已經圓滑稜角，但他強調認真、執着態度一定不會變。上任管理層面對棘手複雜的人事關係，他有一套管人理念。「我對公司嘅每一個同事，我都同佢講，我公司嘅思維比較新嘅，我唔想有一個好舊嘅模式，我係一個老細，你哋返到嚟要恭敬我，所有說話都係美麗嘅說話，我唔要呢啲嘢！請你哋返嚟，係希望可以將問題話俾我聽！
「如果我要聽讚美說話，今日我返到嚟，所有下屬都讚你做得好好，冇意思呀！你沉醉喺個過程度，到最後輸嘅都係自己，因為你聽得太多美言，你冇落返地下聽啲真實嘅嘢！」
「亦因為衍生我嘅身份，如果我請返嚟嘅人，如果我好客氣同你提過兩、三次，都依然犯錯，或者唔改善，你會觸及我底線，咁我係會處理呢個問題！
「我成日同每一個公司嘅人講，只要你做好公司份內事，收工之後我出去同你點玩都得。
「但如果你唔認真做嘢，唔好講話玩，我連坐低同你傾多兩句都唔會，我係呢種人！」
- 首次擔任管理層工作的林文龍，在管人和用錢上都有一套個人理念，自言一向理財保守，在疫情下亦開源節流。「即使老細對我幾有信心都好，最初批咗幾多Budget俾我去做呢件事都好，我都會因應疫情，酌量去減低成本，唔會一窩蜂咁到最後收唔到尾！」
同TVB獎項無緣
同TVB獎項無緣
喜歡接受挑戰的林文龍，87年參加超級新星選舉加入無線，試過三度離巢外闖，08年拍完最後一套劇《法證先鋒2》，便正式離開無線轉到內地發展，重提在《法證2》演的法醫Dr Koo角色深入民心，當年更入圍「視帝」十強，可惜多年來他始終與TVB獎項無緣！「首先，我從來唔會為呢啲嘢開心與唔開心！因為呢啲嘢對我嚟講係非常平淡！
「首先一個問題，我會覺得所有比賽都應該係公開嘅，公開嘅意思，就即係有對手、有競爭，而選出嚟嘅嘢要有人認同！
「我講呢句說話，絕對唔係批評TVB，絕對唔會， TVB係一間大公司，佢有佢嘅系統同方向，佢哋要栽培一啲人出嚟承接個市場要嘅嘢，所以佢哋必須要有人去攞呢啲奬，
「從而令佢哋更上一層樓，吸納到更多嘅嘢！」
- 林文龍在TVB多年擔正過不少劇集，可惜始終未能在台慶頒獎禮上有零的突破。
實至名歸才是贏
實至名歸才是贏 「但喺我立場，我唔係咁睇，如果而家喺我公司睇，我會覺得所有嘢都要公平，你有咁嘅能力，你真係做得好，唔係我公司話你做得好，俾呢個獎你，要大部份人包括傳媒、觀眾、外界所有人都覺得實至名歸，實至名歸四個字不簡單，真真正正可以實至名歸，攞到呢個獎嘅人，我覺得冇人比佢自己更清楚！
「譬如你俾個獎我攞咗，嘩！我好開心，但其實呢個獎係咪你真係值得攞呢！你自己最清楚！
「如果你問我，我都唔覺得我應該攞㗎！因為有咩咁好啫！同埋我係咩人呢！我係一個永遠覺得明天嘅我係一定會做得比今日嘅我好。
「所以其實每一件事對我嚟講，我會覺得人應該對自己有要求同進步！」 ![林文龍表示網台以年輕人主導，創作空間可以更廣闊，他亦放手讓綜藝部一班有創意的年輕人發揮潛能。「因為時代已經唔同，有好多我認知嘅事情，係咪一定啱呢？其實未必係。所以要聽吓一班年青人講佢哋嘅理念同方向。」]()
- 林文龍表示網台以年輕人主導，創作空間可以更廣闊，他亦放手讓綜藝部一班有創意的年輕人發揮潛能。「因為時代已經唔同，有好多我認知嘅事情，係咪一定啱呢？其實未必係。所以要聽吓一班年青人講佢哋嘅理念同方向。」
向樂易玲借人 強調AMM方向有新思維的林文龍，連搵人拍劇亦走出先機，籌備一年的劇集《逐流時代》，除了有《天與地》神級監製戚其義操刀，他更走出常規跨平台向無線借十優港姐麥明詩擔正女一，未拍已經充滿話題性。
「我打俾樂小姐同佢講，因為開宗明義，最重要我哋係網上節目，其實同佢哋無牴觸，當然我亦會略略介紹計劃內容，佢聽完之後可能都會有啲concern，但佢哋開會溝通後，好快已經回覆我話無問題。」 ![林文龍親自致電向無線高層樂易玲借人，成功邀請十優港姐麥明詩擔正AMM首部網劇《逐流時代》的女主角，開創跨平台合作先河！]()
- 林文龍親自致電向無線高層樂易玲借人，成功邀請十優港姐麥明詩擔正AMM首部網劇《逐流時代》的女主角，開創跨平台合作先河！
![雖然以往從無合作機會，但林文龍坦言跟戚其義一拍即合，兩人在理念和方向上睇法一致。]()
- 雖然以往從無合作機會，但林文龍坦言跟戚其義一拍即合，兩人在理念和方向上睇法一致。
![原本獲亞視控股非執行董事兼聯席主席賴彩雲邀請擔任亞視副總裁的林文龍，有感亞視前朝遺留下來的問題千絲萬縷，去年向賴主席提出開設支公司AMM（亞洲心動娛樂），上場成為AMM副總裁。]()
- 原本獲亞視控股非執行董事兼聯席主席賴彩雲邀請擔任亞視副總裁的林文龍，有感亞視前朝遺留下來的問題千絲萬縷，去年向賴主席提出開設支公司AMM（亞洲心動娛樂），上場成為AMM副總裁。
太太退出是他心願 同阿戚有唔少開劇大計的他，相信大家最關心的另一焦點，是遇上一個適合郭可盈的角色，他會否讓太太復出拍劇，林文龍卻自爆太太退出是他一直的心願。
「其實呢個係一路以嚟我其中一個心願，因為我覺得，佢係一個幾事業心重嘅人，佢嘅鬥心亦都好強，佢對自己嘅要求，我相信亦唔係在我之下，相信係分分鐘在我之上嘅，一個女仔尤其是要在TVB這個機構生存，有好多嘢需要妥協，如果你唔妥協嘅話，有好多嘢會令自己好執着而唔開心。
「當然論入行資歷我都喺佢之上，當去明白呢啲遊戲規則嘅時候，可能亦會比佢早察覺，所以我希望我老婆嘅生活，係可以開心啲、愉快啲同簡單啲，呢個係我一路嘅願望，我係希望佢唔好再拍戲。
「因為姻緣際遇，佢生咗個女之後，大家好錫個女，個關係扣得好緊密，從而令佢個事業心擺咗喺屋企， Focus亦去咗個女度，依家佢會好享受呢個過程，我亦好開心見到呢個過程。」
「End up如果有咁嘅機會，我都會尊重佢，問吓佢囉！如果佢真係有興趣，又捨得放低女，佢自己選擇囉！」
正因為要以身作則做榜樣服眾，林文龍強調即使太太願意答應他復出，他亦必須公私分明。
「如果我叫佢返嚟幫我拍嘢，佢又答應嘅話，咁都係公私分明嘅！唔可以話我係你老婆，返到嚟就大晒！又遲到又諸多要求，咁唔得嘛！我有我嘅軍紀喺度，要有discipline ，唔可以放肆囉！」
撰文：琪琪
攝錄：Tsang Wai Wai
場地提供：鏞鏞 •藝嚐館 ![當年被譽為TVB四大花旦之一的郭可盈，出道不久便憑《刑事偵緝檔案》系列Jessie一角大受歡迎，拍過不少無線重頭劇《創世紀》、《天地有情》、《法網伊人》等，02年成全年收視之冠的《法網伊人》，雖然叫好叫座，可惜郭可盈依然同「視后」一奬擦肩而過，大熱倒灶敗給陳慧珊的《絕世好爸》。]()
- 當年被譽為TVB四大花旦之一的郭可盈，出道不久便憑《刑事偵緝檔案》系列Jessie一角大受歡迎，拍過不少無線重頭劇《創世紀》、《天地有情》、《法網伊人》等，02年成全年收視之冠的《法網伊人》，雖然叫好叫座，可惜郭可盈依然同「視后」一奬擦肩而過，大熱倒灶敗給陳慧珊的《絕世好爸》。
----------------------------
和你壹起撐住香港主題海報 全港良心商戶免費派發
了解更多
----------------------------
和你壹起撐徽章 良心商店及網店有售
了解更多
-----------------------------
守住新聞自由 和你撐壹週刊計劃 每月港幣$300起
按此了解更多
- 林文龍表示網台以年輕人主導，創作空間可以更廣闊，他亦放手讓綜藝部一班有創意的年輕人發揮潛能。「因為時代已經唔同，有好多我認知嘅事情，係咪一定啱呢？其實未必係。所以要聽吓一班年青人講佢哋嘅理念同方向。」
- 林文龍親自致電向無線高層樂易玲借人，成功邀請十優港姐麥明詩擔正AMM首部網劇《逐流時代》的女主角，開創跨平台合作先河！
- 雖然以往從無合作機會，但林文龍坦言跟戚其義一拍即合，兩人在理念和方向上睇法一致。
- 原本獲亞視控股非執行董事兼聯席主席賴彩雲邀請擔任亞視副總裁的林文龍，有感亞視前朝遺留下來的問題千絲萬縷，去年向賴主席提出開設支公司AMM（亞洲心動娛樂），上場成為AMM副總裁。
- 當年被譽為TVB四大花旦之一的郭可盈，出道不久便憑《刑事偵緝檔案》系列Jessie一角大受歡迎，拍過不少無線重頭劇《創世紀》、《天地有情》、《法網伊人》等，02年成全年收視之冠的《法網伊人》，雖然叫好叫座，可惜郭可盈依然同「視后」一奬擦肩而過，大熱倒灶敗給陳慧珊的《絕世好爸》。
來源 source: http://nextplus.nextmedia.com
|
鍾意就快D Share啦！
|
|
|