近年主力喺內地發展嘅藝人陳浩民，佢太太蔣麗莎喺社交網上載一家六口齊踩單車享受家庭樂嘅視頻，本嚟就係一件開心事，但視頻曝光後，卻遭網民狂插唔識照顧小朋友。話說當日陳浩民兩公婆帶住4名子女去街街，不過放棄咗4個轆嘅7人車，而係踏2個轆嘅單車，佢哋大女同二子分別9歲同7歲可以自己踩單車，不過6歲三女同5歲嘅孻女因為年紀仲細，唔識自己踩單車，所以一個坐喺爸爸浩民部單車嘅車頭車籃度，另一個囡囡就坐同行女友人嘅車籃，就係咁問題就嚟喇。
啲網民睇見即狂炳，因為喺上海咁車來車往嘅大馬路度，將咁細個小朋友放喺個車籃度係好危險嘅事，如果畀內地交警捉到，會被警告罔顧小朋友安全，同埋喺內地咁踩單車法係嫌涉犯法喎。
據內地《中華人民共和國道路交通安全法實施條例》規定，踩單車、三輪車必需年滿12周歲（虛歲13歲），未滿12周歲嘅兒童喺道路上踩單車屬係違行為，一旦被發現，其監護人將被警告或被罰20元人民幣。相信蔣麗莎知道問題出現，隨後將短片刪除，可是因已有網民已截圖，事件才在網上繼續流傳。
來源 source: http://hk.on.cc
|
鍾意就快D Share啦！
|
|
|