2021年6月27日星期日

疫情下推出健康食品諸葛紫岐爆同老公薛嘉麟錢銀冇計較 #薛嘉麟 #諸葛紫岐

疫情下推出健康食品諸葛紫岐爆同老公薛嘉麟錢銀冇計較

諸葛紫岐一家四口咁幸福，梗係要出手幫吓基層市民

穿上旗袍嘅諸葛紫岐(Marie)和朱李月華等昨晚(26日)出席《中國女性百年風采音樂會暨圖片展》，82歲嘅國寶級鋼琴大師劉詩昆與與太太孫穎參與演出。有於疫情下有更多基層家庭需要幫助，Marie今年加入咗「香港島婦女聯會」行善，最想帶同長子薛華韜一齊探訪家庭，送上物資，去年兩母子都有齊齊去派月餅。

諸葛紫岐將於下月推出個人品牌健康食品，透露暫時做網店，由自己落手落腳做埋宣傳，若效果好才考慮開設實體店，問到是否由老公薛嘉麟畀錢投資？還是她出動私房錢？她笑說：「都冇乜分別我哋嘅錢都係留畀小朋友！」她沒有計算過投資咗多少錢，最重要對品質要求高，健康和有機。

另外，對於因卡拉歌曲版權問题，老公薛嘉麟遭香港卡拉歌曲版權聯盟有限公司呈請清盤，Marie承認兩公婆都唔開心：「但喺疫情下真係冇辦法，希望疫情快啲過去，𠵱家已經多返啲人再去唱K。」被追問有冇信心將卡拉ok生意搞返好啲?她表示一直運作中：「𠵱家只要打咗一針(疫苗)就可以去唱K，我哋會配合政府嘅做法，亦推出咗已接種疫苗嘅顧客，可獲兩小時免費任唱嘅優惠，所以𠵱家卡拉ok生意都好返好多。」