2021年6月27日星期日

【好有愛】兩公婆離開TVB唔閉翳余詠珊變做小女人任何哲圖掃背 #TVB #何哲圖 #余詠珊

【好有愛】兩公婆離開TVB唔閉翳余詠珊變做小女人任何哲圖掃背

兩公婆離開TVB一啲都唔閉翳，兩公婆反而互相扶持，行吓街食吓嘢，關係更加緊密。

前星夢娛樂行政總裁何哲圖（Herman）及前TVB助理總經理余詠珊（Sandy），因為TVB人事變動先後喺今年2月及4月離職，面對逆境，兩公婆反而互相扶持，關係更加緊密。

據本報讀者提供相片，見日前著住黑色長袖外套襯長褲，情侶裝打扮嘅Herman及前Sandy拍住拖行日資百貨超市，期間兩人拍住上，有傾有講，讀者更發現Herman愈講愈興奮，施展傳聞中對鍾嘉欣嘅「掃把手」，上下咁掃Sandy個「肉」背。兩人行經日式三文治及台式食店，心水清嘅Herman知道啱晒老婆口味，就上前柯打外賣，反觀Sandy放低女強人本色，好似小鳥咁唔出聲，默默企埋一邊等老公去發揮，對老公表現，好似好滿意咁樣。兩公婆買完外賣後，好合拍咁分開行，然後快步去停車場攞車閃人，就算失緊業但一啲都唔愁。

另外，又有讀者日前目擊余詠珊密會喺9月2日正式離職嘅TVB副總經理（節目及製作）杜之克，杜之克、余詠珊都係李寶安愛將，兩人同聲同氣，當日兩人約喺觀塘一間餐廳內，選擇坐喺靠近窗邊角落，較少人嘅位置，讀者目擊當時兩人雞啄唔斷，特別係杜之克似有好多委屈係咁爆，不過兩人都高度戒備，只係細細聲喺度傾密偈。