無綫節目《聲夢傳奇》昨晚（26日）播出最新一集，當中人氣王之一、現年14歲的姚焯菲（Chantel）與JW（王灝兒）合唱，揀選的歌曲正是JW的名曲《矛盾一生》，但因為Chantel忙考試而JW又忙拍劇，她們練習的時間非常有限，Chantel表示：「遇到JW老師係好幸福嘅事，佢畀到我安全感。」
她們演出時無論身高、造型及唱功亦極為相似，就連李克勤都大讚她們神同步有如「Twins」一樣。獲多位評判大讚她們表現出色之餘，亦讚Chantel前途無可限量，華納音樂高層齊樂平直言：「你嘅年紀，加上你嘅聲、色、藝，喺唱片公司立場，已經簽得。」而《矛》的監製兼編曲周漢錫亦大讚Chantel：「你有啲模仿JW嘅唱腔，但係你嘅唱歌生涯啱啱開始係正常，依家係吸收人哋優點，去改變同提升自己嘅時候。」最終得到18盞綠燈成功晉級。有關合唱短片在網上平台發布只有3小時，收看次數已經超過5萬3千次！
而另一位人氣王炎明熹（Gigi）與AGA（江海迦）合唱R&B歌曲《命硬》，事前AGA還帶她到錄音室進行特訓，改善上次咬字不清以及有懶音的問題。而李克勤對Gigi嘅評語係：「開頭有啲戰戰兢兢嘅感覺，好彩中段以前個Gigi返番嚟，去到尾段係好靚。」而Eric Kwok直指佢嘅性格導致唱得冇想像中咁好：「你嘅性格去到好盡、好努力，對自己要求好高，不過唱R&B係好放鬆，係性格阻咗你，不過你嘅性格唔係唔好，因為你有咁厲害嘅性格，先至令你短時間學到同做到咁多嘢，將來再唱R&B希望你可以更加放鬆。而寰亞音樂高層Viki Chan則大讚：「如果喺唱片公司嚟講，你後生，外形又好，把聲又靚又有性格，其實簽得㗎啦。」最後Gigi得到23盞綠燈成功晉級。而Gigi及Aga的合唱短片上載4小時，收看次數衝破5萬6千！
來源 source: http://hk.on.cc
|
鍾意就快D Share啦！
|
|
|
