連Po九張黑白Deep V騷長腿型格合照 林志玲拖實老公慶祝結婚2周年
46歲的台灣名模林志玲自2019年宣布與日本組合EXILE成員AKIRA（黑澤良平）結婚後，婚姻生活非常美滿！國際婚姻及相距7年完全冇問題。年初夫妻檔上陣搵銀，齊代言台灣茶飲廣告。
昨日是二人結婚兩周年，林志玲於各大社交平台上載九張型格黑白夫婦合照慶祝，並留言：「不安的世界，有彼此相伴，感謝生命的每一個啟程✨兩週年快樂💕」最後更Tag老公AKIRA，大哂恩愛。
黑白照中，林志玲著住Deep V綁繩上衣加短裙大Show長腿，非常性感，而AKIRA就以皮褸搭配葉紋襯衫，二人如跳舞般，背靠背又攬哂合照。而志玲另於微博多放一張扮跳舞嘅相，要睇哂兩邊先會睇哂10張相。網民都送上祝福，讚兩人真係非常登對，更表示時間過得太快，祝二人一定要繼續咁恩愛添！
來源 source: http://hd.stheadline.com
|
鍾意就快D Share啦！
|
|
|
