減肥有得做女主角
減肥有得做女主角
ViuTV練美娟，最近在節目《造美人》任「平民組經理人」，對住一班要改造的女人，娟姐教的，是如何尋回自信。儘管自己鼻樑唔高、塊面唔尖，身型圓潤等等的不完美，但自信就是王道，娟姐從不考慮整容。
「個人對五官實在太有自信，反而身型上確實想有啲調整，例如手臂幼啲、隻腳無咁粗、身型比例更S。」
「最初入行好多人叫我減肥，話減肥可能有更多演出機會，有更大成就。亦有導演同監製同我講，如果減肥後即刻搵我做女主角，當時會心諗真定假？」
街坊爆:佢係屯門自修室女神
街坊爆:佢係屯門自修室女神
她的自信，其實有根據！讀書時，原來娟姐靚絕屯門區，訪問當日，更殺出證人來！話說拍攝中途，借出場地的咖啡店老闆林小姐，自爆與娟姐同是屯門街坊，還指她一早聞名屯門自修室。
店主：當時喺自修室，好多人都認識娟姐，佢仲有名叫「自修室女神」。
娟：如果我講就唔公道，有人證就會公道啲！(說時無面紅)
店主：佢以前有一把長頭髮，又靚女，好有仙氣，而家都一樣。當時佢好勤力，經常去自修室，所以其他人先會認識佢。我唔識佢，只係有朋友認識佢。
娟：多謝，你好好呀！嗱，我無俾錢呢個人架！而家終於衝出屯門。(說罷附上其豪邁招牌笑聲)
原來娟姐當年是校花，依家知道娟姐咩料
- 如果娟姐肯努力減肥，再「造美人」回復昔日秀氣，她必有女一條件。
- 娟姐被爆是校內風頭躉後，才被動說出求學時動靜皆宜。「硬筆書法比賽、跳繩、合唱團、籃球、田徑，當年參加好多課外活動。」所奪的獎牌，掛晒上身的話，真係頸都斷。
戀過男藝人 冇信心箍靚仔
戀過男藝人 冇信心箍靚仔
眼角長有銷魂癦的她，由細到大，更屬有「市場」的肥妹，初戀早在小五發生。撇開與肥仔@ERROR緋聞，她曾在《有酒今晚吹》分享一次隨男友出席飯局，目睹已婚男藝人猖狂偷食事件，她口中的男友，原來也是藝人。「之前都有同一兩個幕前人拍拖！」說到此，娟姐落閘，昔日同兩位男藝人拍拖都密不透風，分手後她更加不肯多講半句。
唯一分享，是戰績中，有靚仔！
「我鍾意望靚仔，邊個女人唔鍾意望靚仔？但而家仲想唔想擁有靚仔，我就真係未必想，因為之前都曾經擁有過，以前嘅男朋友都好靚仔。但之前嘅經歷，都令自己對另一半信任度不大嘅時候，如果佢外貌再靚啲，唔好話對佢有冇信心，其實自己亦有冇信心可以維繫呢？」
- 《有酒今晚吹》其中小肥做嘉賓一集，娟姐大爆當年隨男友出席圈中飯局，目睹已婚男藝人偷食一事，原來她的男友，也是藝人。
圈外男更易偷食
圈外男更易偷食 既然見過不少圈中男偷食，又經歷兩段男藝人情史，再揀對象，會否對圈中男有戒心？娟姐:「如果有得揀，我反而想搵番呢一行嘅人。因為我屬於好懶解釋嘅人，如果另一半都係呢一行，佢應該會體諒我嘅工作時間同難處，可以免卻好多解釋。」
「同埋外間點解認為娛樂圈係大染缸，有咁多吸引，其實每一行都有。你以為home office嘅另一半無咩？佢其實仲多時間去鬼混，所以呢方面係大家對娛樂圈嘅一個誤解，好想幫一眾藝人澄清，我哋好似喺一個五光十色，大家都身光頸靚，外表吸引嘅世界，其他人就會覺得係咪有好多引誘，出軌嘅機會都會增多，但其實唔係。」
唔排除同肥仔有發展 揀返同聲同氣嘅圈中人拍拖，咁之前傳緋聞嘅ERROR肥仔，有冇機先！
首先係咁樣啦，我根本唔需要師傅撮合，我同佢好早已經認識，曾經合作過《娛樂On Air》，之前都係合作夥伴
「同肥仔呢單新聞真係搞唔掂，首先由始至終我都無參與過件事，只係七師傅自己講。同埋好記得嗰日一起身，收到海量短訊，講我同肥仔嘅事，我一頭霧水，本身又未瞓醒。原來大家知道肥仔同女朋友分咗手，問我係咪第三者？我覺得好彩同肥仔老友，大家笑完就算。如果我同佢真係有啲嘢嘅話，咁樣就無咗個朋友，亦都無咗個或者可以發展嘅對象。我同肥仔至少暫時無嗰種火花，以後嘅事真係唔夠膽講，無人可以說得定，但而家真係只係好朋友。」同肥仔發展可能，醒目娟姐戴定頭盔。 另一「嫌疑者」音樂人伍仲衡 另一個追求「嫌疑者」！最近一集《有酒今晚吹》，與七師傅齊齊做嘉賓的音樂人伍仲衡，節目中與她充滿火花，節目一完，男方即時行動，找娟姐「抄牌」。
她說:「因為我曾經同伍仲衡講，自己好鍾意唱歌，又做完聲帶手術，所以想唱吓歌，我諗佢都係想一齊jam吓歌嘅意思，只係呢方面交流，並唔係大家諗嘅戀愛問題。」
寧愛圈中男，不揀圈外情，只因最傷透她，是拖拉了七年的圈外男友。「呢段情，令我對男人同戀愛完全失去信任，無晒憧憬，到而家都仲係復元當中，我覺得而家都唔錯，都有啲追求者。」娟姐性格大癲大肺，心思其實很脆弱，為療傷，感情真空四年至今。
採訪:S.Lo
攝影:Eddie Cheng
場地:COFFEE & CHILL
化妝:Christy Li
服裝:The Kooples
鞋:CHARLES & KEITH HK
----------------------------
守住香港新聞自由 加入「和你撐壹週刊計劃」
按此了解更多
（海外用戶請按此）
來源 source: http://nextplus.nextmedia.com
|
鍾意就快D Share啦！
|
|
|
