藝人何廣沛、郭子豪、方紹聰為林盛斌（Bob）與江美儀主持的無綫節目《Mean Talk》擔任嘉賓，以Mean見稱的美儀及Bob讀出三子大量負評，其中何廣沛被抨擊把聲難聽，直情是「耳朵流產」，廣沛聞言直認最近遭珍姐（曾勵珍）「提點」，他說：「佢話我講嘢真係唔得，做得好差，不如唔好做呢行啦，嗰刻我終於知道嚴重性。」他又自爆曾在珍姐房間練習英文咬字長達1小時，十分感激珍姐培育及耐心教導。
郭子豪被追問到當年鬧得滿城風雨的失場事件，他說：「當時係種種原因導致自己入面亂晒籠，原因包括屋企，當時同前女友關係處理得唔好，總之唔想見人，有情緒問題，直頭熄咗手機幾日，匿喺屋企。」他感激當時劇集監製潘嘉德的慰問。
子豪又自揭與女友鄧卓殷的肉麻點滴，由兩年前開始兩人每晚均會開住video call入睡，他說：「瞓住都唔會熄部電話，第二朝瞓醒又見到對方咯。如果佢仲未醒，我咪開住個call做住自己嘢先。」美儀與阿Bob大嘆「Sweet得嚟好黐線」！
來源 source: http://hk.on.cc
|
鍾意就快D Share啦！
|
|
|
