內地「千億點擊女王」趙麗穎與男星馮紹峰離婚後，由昔日嘅上海愛巢搬返北京老家展開新生活，同時傳出馮紹峰急急相睇，想早日搵返個伴，但可惜眼角高，冇個啱！至於回復單身嘅趙麗穎，雖然有唔少高質素男士展開追求，但佢全部落閘say no之餘，近日有指佢成日北京同上海兩地飛，做咗「空中飛人」，立刻引起外間揣測，估計同馮紹峰愛到分離仍是愛，有翻撻可能！
網上有人爆料，話趙麗穎思想傳統，點會咁快接受另一個，又話佢始終對馮紹峰有感情，加上囝囝成為佢同前夫嘅溝通橋樑，點都要喺個仔面前營造完整家庭，佢哋成日走埋一齊對住個仔，對得多，加上又冷靜咗一排，翻撻都唔係冇可能。不過又有人爆料，話趙麗穎不停做「空中飛人」唔係為咗前夫，而係盡媽咪嘅責任趕返去見同前老爺奶奶一齊住嘅嘅囝囝。日前有網友撞到素顏嘅趙麗穎喺上海機場出現，據知佢呢個月只有8日要開工，所以估計佢可以陪仔陪足20幾日。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
