2021年7月4日星期日

食好西為食樣出晒嚟鄭秀文自製臘味飯加燶邊叉燒粉嫰牛扒餵飽安仔 #安仔 #許志安 #郭晉安 #鄭秀文

食好西為食樣出晒嚟鄭秀文自製臘味飯加燶邊叉燒粉嫰牛扒餵飽安仔

鄭秀文假日最enjoy食好西。

下月19日49歲嘅鄭秀文（Sammi），fit到體重長期維持喺45KG左右，一啲贅肉都唔存在，成班熟女羨慕到不得了，仲跟住Sammi提供嘅方法嚟keep fit。

近年鄭秀文愈來愈注重健康，除咗爆汗外，日前喺社交網貼出跟朋友學製「水克非爾」（Water Kefir）水嘅過程，利用「水克非爾」可食用嘅益生菌，為人體提供大量活性益生菌，幫助促進腸道健康排走身體毒素，增強免疫力，加強新陳代謝，咁樣自然唔會咁易囤積脂肪。

Sammi自我克制咗成個星期，每到假期就會「放假」，滿足返自己嘅慾望，見她喺IG限時動態放上美食相及片放毒，Post出噚晚食咗嘅臘味煲仔住家飯，仲有半肥瘦燶邊麥芽糖叉燒加餸𠻹！她寫道：「唔食就對唔住自己呀！叉燒控表示食極都唔厭。」至於臘味飯係睇電視學嘅，用瑤柱、冬菇、臘腸、潤腸加埋切到很碎的菜甫粒製成。仲有5成熟嫰滑焗牛扒配薯條。

Sammi似乎未夠喉，今朝再接再厲食好西，包括換上新造型，似雪梨的咸水角、和牛酥、史上最靚嘅蕃薯片，看圖睇嚟做得有板有眼，色香味俱全，老公安仔應該大飽口福了。Sammi應該食得好開心，見她對住牛扒雙眼發光，為食樣出晒嚟，網民睇見都流晒口水。