2021年7月4日星期日

賀歲片《闔家辣》昨晚煞科 Edan向吳君如鄭中基敬酒 #吳君如 #鄭中基

賀歲片《闔家辣》昨晚煞科 Edan向吳君如鄭中基敬酒

《闔家辣》昨晚在旺角拍煞科。

吳君如監製兼主演的賀歲電影《闔家辣》昨晚煞科，除了君如外，戲中一眾演員如鄭中基、梁詠琪（Gigi）、MIRROR成員呂爵安（Edan）和譚玉瑛等人在旺角一家茶餐廳通宵拍攝，直到清晨5時左右，君如率大隊開香檳慶祝，處男下海拍電影的Edan逐一向前輩如君如、 Gigi及譚玉瑛等敬酒，又禮貌地向現場工作人員致謝：「辛苦晒，Yeah！」與君如則與老友鬼鬼的鄭中基攬到實，狀甚溫馨，其後Edan亦在IG限時貼「晒V相」賀煞科，只見他眼仔碌碌，果然青春無敵！

事後君如說：「不可能的任務，非常之順利，大家都《闔家辣》，真係好正，好感動，個都表現得好好，我好開心。之前都冇諗過咁快可以完成，個個演員都達，直到係超晒標！」另一方面，君如日前亦有在IG貼上陳可辛專程探班的相片，期間見到兩人排排坐在攝影機後面，當時君如頸上掛上的耳筒，似乎齊Play back，接着又見他與工作人員一齊食飯盒，吃得津津有味，君如搞笑地留言：「呢條友特登入嚟片場食crew飯 #片場啲飯特別香」張繼聰、胡杏兒、王敏奕、關心妍等人先後留言讚sweet。鄒凱光更搞笑地說陳可辛是「飯盒皇子」！