無綫節目《識貨》昨晚（2日）落幕，最終陳自瑤（YoYo）及黎諾懿擊敗一眾對手，成功躋身決賽。2人經過長達1.5小時的激烈競爭，YoYo似乎贏得現場嘉賓的偏好，過半數人都願意將旗下貨物交給她，令她由當初的「超騰雞」成功大逆轉，打出近半百萬銷售額的亮麗成績，撼低黎諾懿成「帶貨王」。勝出後YoYo更一洗喊包之名，開心大笑與逾百台前幕後擁抱，場面感人。無綫首席創意官王祖藍揭曉賽果後，更即場宣布《識貨》有可能開拍第2季。
繼《好聲好戲》奪冠後，今次再下一城，諾懿戲言對手YoYo是「綜藝一姐」，他與祖藍笑指她行運一條龍，下一步可考慮挑戰視后甚至港男！祖藍笑說：「我真係有諗過為咗佢搞番港男㗎，一陣佢黐埋鬍鬚出嚟，都分分鐘可能贏冠軍。佢近期曝光率過高，要考慮將佢掟入雪櫃先，哈哈！」
諾懿事後直指YoYo贏得有道理：「佢真係好勤力，呢個係大家有眼見嘅。頭先我哋喺度食飯，YoYo依然好勤力係咁合埋眼記資料。」YoYo則指想學習諾懿的從容，並謂今次勝出全靠一班戰友的支持。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
