藝人Angelababy同老公黃曉明嘅婚變傳聞未停過，專心工作嘅Baby就懶理謠言，更於內地推理真人騷《萌探探探案》中表現出色，繼扮鬼嚇那英後，今次佢就突然被內地影帝孫紅雷提起老公黃曉明個名，殺得佢一個措手不及，Baby尷尬反應被鏡頭全程錄低。
Baby接到任務，要喺遊戲中尋找有緣人，佢幾經思量，就選擇咗孫紅雷扮演嘅「許仙」，仲特地用眼神瞄咗同場嘅黃子韜一眼，確認選擇是否正確，冇諗過Baby呢個舉動被孫紅雷看在眼裏，扮唔服氣嘅佢就當場開玩笑問：「你還要徵求黃子韜意見怎麼了？你徵求曉明的意見也就算了，為甚麼要徵求他？」搞到Baby當場唔識反應，淨係用手遮嘴，企咗喺度尷尬傻笑，而呢幕亦引發網友熱議，留言「看來兩人還沒離婚」、「至少證明在演藝圈內還沒離」、「這算是間接說明黃曉明跟Baby還是在一起」。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
