歌手彭家麗（Angela）今日（4日）為網上音樂會進行錄影，表示此音樂會是Fans要求開的，透露會錄唱12首歌，全都是30年以來的Side-track歌，她說揀歌時都勾起很多回憶：「第一首會唱《獨行的白雲》，呢首歌係我第一次上電視唱Live，係個作曲歌唱比賽嚟，係單立文寫嘅，嗰時我仲讀緊書，啱啱簽唱片公司，完全唔係好識唱歌，好緊張！（有冇睇番當時嘅表演？）冇...但我諗肯定好恐怖！」
Angela自爆參加比賽前去錄音室練歌，被單立文鬧到喊：「喺呢個歌唱事業入面第一次流眼淚，佢問咗我一句『究竟你識唔識唱歌㗎？』，聽到好Hurt，因為我真係唔識唱。」續講起另一個美好回憶，有Fans用其《美女與野獸》做結婚進場曲：「好似參與到佢嘅人生其中一個階段咁。」她又講到以前做歌手因為不懂同其他人相處，令自己非常之大壓力，現時學會享受唱歌帶來的快樂。另外，她預告正籌備新歌，希望盡快推出。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
