最近有消息指一名24歲男演員被警方以「與年齡在16歲以下的女童非法性交」罪名拘捕，立即引起網上一片討論聲音，紛紛在網上緝兇。其中，有網民更提到無綫演員陳銳峰及有份演出熱播劇《七公主》嘅陳戩浩，兩人急急喺社交網澄清！
陳銳峰上載一張對話截圖，有朋友發送有關討論區提到起佢嘅貼文，相中有網民幫佢澄清「陳銳峰2020年25歲 唔係佢」，陳銳峰都話多謝對方幫手澄清，仲補充：「但係其實我已經26歲啦」仲有兩個笑到喊Emoji！
而喺《七》飾演阿B嘅陳戩浩就喺社交網寫下：「大佬呀，我今年先23咋！」仲話：「單嘢唔關我事㗎！（同一個滴淚Emoji）」
及後，再多一名男藝人被網民列為嫌疑人，佢就係曾拍TVB外判劇集嘅陳輝豐（Hugo），不過佢就否認同事件有關。
Hugo曾參演過劇集，亦拍攝過唔少廣告，最近仲同《全民造星III》嘅參賽者蘇楚欣（Sobi）合作拍廣告，上年又分別同過劉俊謙、蘇皓兒等拍攝耳機同樓盤廣告。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
