她直認，近年有意轉攻發展戲劇，也說受到不少喜劇明星的啟發：「以前訪問過好多戲劇演員，占基利或者周星馳都有，我發現佢哋好有內涵，好多思想，同埋同呢啲喜劇演員傾偈，係好理性㗎。佢哋會同你傾一啲好深層嘅嘢，所以我覺得自己可以將自己諗嘅嘢表達嚟，喜劇演員身上都會有悲劇發生，但係同時間佢哋會更加識得令人笑。」
雖然工作忙碌，但麥美恩的感情生活卻可以說是一遍空白。她說：「努力緊啦，同埋佢哋（朋友）叫我望多啲身邊嘅人，唔好成日耷低頭自己工作，我嘗試望高啲啦。其實我真係好怕醜，哈哈，我啲勇敢淨係放喺工作。」她更反問記者：「你係咪要我講到咁白，哈哈？」有出街食飯？她回答：「有呀，但係佢哋成日話我耷低頭，啲前輩成日叫我唔好望劇本，叫我望下側邊啲人。我話望緊呀，不過係望緊Facebook，哈哈哈。」
點擊下圖睇更多：
本文作轉載及備份之用 來源 source: http://www.hk01.com
|
鍾意就快D Share啦！
|
|
|
