台灣女星張鈞甯憑2014年內地劇集《武則天》人氣急升，成功打入內地市場，依家喺兩岸三地都係一線女星，不過佢最近就因為被翻炒2010年寫論文「我國」搞到有爭議，急急發聲明否認台獨。有台媒指佢自認曾試過有3部內地電影同時將佢換掉，有啲係大老闆安排自己人空降，有啲係嫌佢喺內地、台灣冇人識，激出佢鬥志：「我那時很生氣，說我沒知名度？那我現在就去大陸拍，把知名度拍出來給你看！」
隨住《武則天》、《軍師聯盟》、《如懿傳》等劇站穩腳步，活動代言暴增，佢就想戰勝自己：「那跟我去上真人騷《跟著貝爾去冒險》的心態是一樣的，我本來不敢吃生食，任何生魚片也一樣，但如果當演員，要是像電影《Old Boy》裏必需生吃章魚，如果那種角色來找我，是不是就失去好的機會？」佢又提到當時身邊所有人都反對佢拍《貝爾》，佢亦承認一度想逃走，焦慮兩個禮拜，每日發噩夢，最後都係決定接拍，衝出舒適區。
本文作轉載及備份之用 來源 source: http://hk.on.cc
|
鍾意就快D Share啦！
|
|
|