賭王各房子女都有自己特質，四房千金何超欣又靚又叻，本身就讀美國麻省理工學院（MIT）嘅佢，六月正式畢業，更擁有管理學及建築學理學士雙學位，係城中出名嘅白富美！
超欣並冇停下學習步伐，之前講過考入北京清華大學攻讀碩士課程嘅佢，原來佢已現身清華，出席2021級研究生開學典禮，清華大學官方更釋出典禮照片，發現有超欣身影。咁高興嘅日子，身為哥哥嘅何猷君亦喺社交網轉發相片，並好自豪咁留言：「恭喜那個叫何超欣的女孩子，靠自己堅持不懈地努力考上了@清華大學 的研究生！我們全家人都為你感到無比的驕傲，能在清華讀研是多麽難能可貴的機會，要懂得珍惜！」何猷君更以四言真言勉勵阿妹：「力學篤行！」唔少網民都留言大讚超欣叻女，有人仲話：「上天不公平，那麼漂亮又聰明！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|