為呼籲更多人報名參加第二屆《聲夢傳奇》比賽，炎明熹（Gigi）以大師姐身份為「See See TVB」拍攝了一條短片。片段中，炎明熹重新睇一次3個月前所拍攝嘅《致三個月後的我》時，笑言感到十分尷尬，並指自己除咗髮型唔同咗之外，亦感到成熟了不少。「有時比賽啲嘢未如我理想，但要學識接受，因為次次玩法都唔同。（經歷）成功同失敗咗之後，年紀好似大咗少少，心智又成熟咗少少，我覺得而家我百毒不侵！」
問到當初點解會報名比賽時，炎明熹表示係因為被廣告中嘅太空中所吸引，之後她又表示至今無悔參加《聲夢傳奇》，「因為好新奇，每次做嘅嘢都唔一樣，冇乜後悔，唔係冇乜，係冇。第一次試拍嘢、同埋個髮型未試過係咁。」她又表示一開始參賽時，其實都充滿自信，但當發現大家也在進步時，頓感走到樽頸位。「所以真係冇諗過會行到呢個地步。」
熱愛畫畫的佢表示如果無參加呢個比賽，自己最想學畫畫，但嚟緊想係做好唱歌呢件事。「因為唱歌呢件事係我比較擅長，做好擅長嘅嘢，再學其他興趣，可能結他要再做得好啲。」她又提到整個比賽當中，最要感謝是姑丈，因為對方為她犧牲了不少。「我發現佢咩都會做少少，但執自己就唔係好掂，佢唯一唔得就係個樣。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|