與鄭俊泓美國開騷勁興奮 鍾嘉欣：屋企人好支持我演出
鍾嘉欣和剛度完蜜月的鄭俊弘日前在美國舉行演唱會，今次是疫情後首度在美國開騷的亞洲歌手，全場爆滿兼非常熱鬧。談及演出感受，嘉欣表示很榮幸能夠成為疫下第一位在美國開演唱會的藝人：「現場觀眾反應非常熱情，可能因為已經接近兩年冇機會喺現場睇騷，而家可以做現場演出係一件非常艱難嘅事，所以好珍惜呢次同觀眾嘅近距離接觸。」
問到一對仔女有否看過她現場演出，嘉欣說：「每次喺溫哥華演出都會帶埋仔女，囡囡都問點解咁多人搵媽媽影相？你一定是演員或歌星。」不過老公與兩個小朋友今次未有同行，嘉欣坦言非常掛念他們，但係今次演出反而屋企人和仔女非常鼓勵和支持，覺得是一個很難得的機會。演出期間，嘉欣有透露之前已拍下的電視劇《星空下的仁醫》主題曲將會是由她主唱，希望可以好快有機會給大家欣賞她的新作品。
至於鄭俊弘與老婆何雁詩先度蜜月後開演唱會，他說：「能夠藉今次機會和太太一起度蜜月，係好難得機會，多謝大會能夠俾機會我演出，順便帶太太旅遊。」他表示回港後先隔離21日，接着要立即進入劇組拍攝新劇《法證先鋒5》，所以行程會相當緊湊。
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|