無綫節目《我要做業主2》最新一集請嚟楊卓娜做嘉賓，佢分享同妹妹楊茜堯點樣儲錢買樓！2002年時，佢同妹妹楊茜堯以200萬入市，買入將軍澳一個700呎單位，佢哋每個月會拎三分之二嘅收入嚟供樓，非常辛苦！佢話：「同媽媽借咗少少錢，嗰時畀5%首期就OK，200幾萬700幾呎。」問到佢當時楊茜堯係咩反應？佢話：「佢大嗌唔好呀，話好多衫要買同埋應酬！」
最後，楊卓娜同媽咪一齊「老笠」阿妹：「其實我都幫佢計過，10年之後就會好開心，佢都有聽。最後，我哋就老笠佢，呢頭睇完轉頭就買咗，佢就話你哋去買棵菜呀？」非常搞笑！
楊卓娜仲自爆入行初期，月薪只係得6,000蚊，好多嘢都要慳住使：「大家要有個共識，一齊去渡過艱難嘅時期，入咗行十幾年，我冇去過一次旅行。」當初嘅辛苦，成就咗依家嘅收穫！依家個單位市值700幾萬，升值咗差唔多500幾萬，因為楊茜堯唔想賣咗個單位，所以依家租咗個單位畀人住！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
