近日Netflix原創韓劇《魷魚遊戲》大熱，劇中唔少角色因欠下巨債，決定參加一場由各地有錢人舉辦嘅生存遊戲，以贏取巨額獎金。估唔到呢股「魷魚遊戲」熱潮竟然殺入香港學校，有富二代港男學生睇完《魷魚遊戲》，決定哂大疊500蚊銀紙搞「香港版魷魚遊戲」，只要有同學贏到就派錢！到底詳情係點？即刻睇睇！
撰文：海月｜圖片來源：schools.secrets IG、魷魚遊戲
富二代港男學生哂大疊銀紙搞「香港版魷魚遊戲」
近日Netflix創韓劇《魷魚遊戲》大熱，劇中唔少角色因欠下巨債，決定參加一場由各地有錢人舉辦嘅生存遊戲，以贏取巨額獎金。劇集雖然短短9集完結，不過就引起全球觀眾大玩「本土遊戲競賽」嘅興趣。
富二代港男學生見《魷魚遊戲》中第一集，孔劉跟主角李政宰玩「拍畫片」遊戲，孔劉勝出就會打主角一巴，而主角勝出就可獲10萬韓幣。決定回校時在午膳時間模仿，拿出一疊500蚊及一粒骰仔搞「香港版魷魚遊戲」，揚言只要有同學連續擲到2次同樣的]數字即可獲500蚊。
遊戲一宣布開始隨即有10多位同學參加，而排隊人潮更排至課室外面，最後於一個午膳時間內有3位同學成功贏得500蚊，共派出$1500港幣。事後有老師上課時，見到數名同學臉頰紅腫，不過詢問原因學生們只回應「天氣太熱、曬傷」。
不過亦有「心水清」網民表示，現時因為疫情關係，只有相當少中學能夠恢復全日面授課堂、午膳及參與課外活動，所有懷疑事件有「吹水」之嫌。如果真係遇到呢啲「橫財遊戲」，大家又會唔會參加呢？
本文作轉載及備份之用 來源 source: http://www.nmplus.hk
|
鍾意就快D Share啦！
|
|
|
