藝人戴夢夢應黃婉曼邀約做直播嘉賓，二人邊飲白酒邊聊天。講到坦率的夢夢被喻為「烈女」，她說：「唔能夠要全部人都鍾意自己，100個人，有10個人明白你已好開心，最緊要身邊朋友同屋企人明白。」其愛情觀也敢愛敢恨，她表示：「唔需要主動出擊，順其自然，愛情係冇format，緣分到咪接受囉。」
講到她與太極鼓手朱翰博（Ricky）感情撲朔迷離，而之前開騷時Ricky又公開感謝她，並形容兩人關係如過山車「時上時落」，對此夢夢大方談及二人關係：「我哋分開咗年幾，大家再見亦是朋友，我哋目標同方向都唔同，再一齊落去大家都唔開心，不如轉個形式相處，唔再係情侶，變咗哥哥一樣嘅屋企人，親人嘅關係仲好啲，唔會有壓力。」問到喜歡小朋友的她可會閃婚？她就謂：「唔知呀，有啲嘢冇話一定，又冇話唔一定，right time遇到right person。」她亦謂不接受只生B不結婚，期待與喜歡的對象組織家庭，未來希望遇到細水長流的愛情：「依家人大咗，覺得平淡簡單健康就最幸福。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
