金剛回歸TVB與余思霆主持節目 爆女方大把錢唔憂做
曾志偉和王祖藍自從今年上任TVB高層後，先後邀請了不少昔日好友回巢，早前有傳曾志偉邀請金剛回巢拍綜藝節目，但當事人未有表態，反而與台灣女友小嫻在墾丁大街擺檔賣雞翼，其後被網民嫌賣太貴而掀起風波。但原來金剛與女友擺檔的同時，將會與余思霆在台灣為TVB拍攝全新節目，體驗不同類型的工作。
昨日金剛與余思霆在台灣接受TVB娛樂新聞台的訪問，聽到思霆稱呼自己做「大大大前輩」，金剛笑說：「乜嘢『大大大前輩』？係阿伯，傳說中嘅阿伯！」之後思霆再說：「我好細個就聽到你個名，啲人叫我要向你學習：『你睇吓佢，好大膽咁講廣東話，唔驚講錯』！」金剛抵死話：「嚇死我，我以為啲人叫你小心啲金剛呢個人，好鍾意媾華姐同港姐。」
金剛還說：「其實霆霆個名我都聽過嘅，你唔好問點解，總之我就聽過啦，同佢合作都幾開心，因為佢係一個完全唔憂做嘅人，呢個係佢興趣嚟嘅，因為錢多得滯，所以佢就冇所謂。」余思霆即時反撃：「你咁樣講咩意思呀？我好認真工作，咁樣講好似我好Hea咁。」思霆當然不認輸，聽到主持問她有否試過食金剛賣的雞翼，她笑笑口說：「未呀，聽講好貴，我驚自己食唔起！」金剛就澄清：「其實唔貴嘅，一包200蚊（台幣）5隻，我哋自己煮㗎嘛，完全冇工場，買嘢就係咁，覺得貴唔好買，覺得平就買」
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|
