腹大便便的陳嘉寶偕老公黃頌祈今晚（7日）現身何雁詩的婚宴，穿上4吋高踭鞋的她，手腳及身形仍然纖瘦，可謂肥胎唔肥人，她透露已佗B 9個月，預產期是12月：「本來係12月尾先生，但因為第3胎可能早少少出嚟，其實我哋都知BB性別，不過之前冇玩開篤氣球公布BB性別嘅派對，今次想玩吓，所以到時會舉行一個Baby Shower揭曉。（今晚係最後一次公開露面？）之後我都會繼續工作，只係坐月冇得出街，所以趁依家出番夠本。」
問到是否因為懷孕而未能擔任姊妹團？嘉寶即拉開外套展露一身晚裝，並表示：「我專登搵番條同姊妹裙差唔多款式襯番佢哋，因為新娘子驚我辛苦，所以我先冇做姊妹，我覺得佢大個咗好多，好關心同照顧我無微不至，仲勁過我老公。（過兩招生B秘笈畀佢哋？）唔會因為我依家都冇乜自由，所以等佢哋二人世界吓先。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
