歌手胡鴻鈞（Hubert）今晚（7日）出席何雁詩和鄭俊弘的婚宴，他透露會在婚宴上唱歌，他笑說：「入行以嚟第一次唔收錢唱歌，因為同佢哋識咗好耐，所以唔講錢，我同一對新人講明下次結婚唔好再請我。」Hubert坦言由《超級巨聲》認識阿詩，兩人識了10年，開心見證她步入人生新階段，他說：「知道佢哋兩個好多經歷、高高低低，依家終於有個團圓結局，希望佢哋快啲有人生下一步（生小朋友）。」
對於緋聞女友蔡思貝指今晚可以為他伴舞，他說：「吓！真係㗎？咁真係要收番錢喎，收番何雁詩錢先得，安撫番我個心靈，咁驚嚇！（你唔係應該開心，點解驚嚇？）因為今日好多高層監製都喺度，陣間表演我要嚴陣以待，好似做嘢咁樣，唔使畀呢個驚喜我喎。（你好似好拒抗思貝？）唔係，唔係抗拒佢，我只係抗拒唔知嘅情況啫。（你咁講驚唔驚佢嬲？）唔驚，佢邊有咁小器。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
