李施嬅揚威海外開心宴客 陳山聰盼《金宵2》再奪獎食多餐
李施嬅今年喜事連連，繼年初宣布婚訊後，上月底又在國際盛事《紐約電視電影節2021》中，憑叫好叫座的劇集《金宵大廈》奪得最佳女演員組別優異獎。同劇拍檔陳山聰及趙希洛祝賀李施嬅外，更有口福獲對方請食飯慶祝，昨晚（7日）李施嬅及陳山聰分別在社交網貼出開香檳片段，賀李施嬅揚威海外。
難得攞獎又有藉口再聚，李施嬅相當開心，她以中英對照留言：「佢哋話攞獎要請食飯，希望大家都繼續有得請食飯啦。兩個禮拜前食過呢間餐廳，very好食！難得有藉口可以再食過。同呢班人，傾 #金宵大廈 + #金宵大廈2，傾咗五個鐘都覺得唔夠。我好耐冇試過咁夜瞓啦。真係好難得有一套大家都咁passionate嘅劇。真愛。希望將來還有機會再合作。 #感恩 #感謝你哋」。而陳山聰戥拍檔奪獎感到開心，留言祝賀：「再次恭喜sister憑《金宵大廈》揚威海外，攞獎梗係要請食飯希望《金宵2》出街再食過再攞奬。」
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|
