操肌從來唔係男星專利，近年唔少女星都落力做Gym，練出一副弗爆身材，近日兩位花旦胡定欣及高海寧（高Ling）分別去健身室大玩引體上升，仲拍片展示鍛煉過 ...
操肌從來唔係男星專利，近年唔少女星都落力做Gym，練出一副弗爆身材，近日兩位花旦胡定欣及高海寧（高Ling）分別去健身室大玩引體上升，仲拍片展示鍛煉過程，隔空比併鬥肌力！
見以短版運動衫上陣晒腰嘅高Ling，喺有負重及導師嘅幫助下，做出引體上升動作，每一下姿勢都相當標準，另邊廂雖然胡定欣年紀較高Ling大，但似乎體力更勝一籌，只用彈力繩，便能夠靠自身力量做出引體上升，而且一氣呵成，動作快、狠、準，更輕鬆連續做到超過10下，期間更騷出結實臂肌及背溝，完勝高Ling！
