「宅男女神」蘇皓兒（Chloe）與「文青女神」林千渟（前名林婷）近日再度合作拍攝靈異電影，難怪她們笑言「鬼咁有緣」，林千渟表示：「新戲入面我哋飾演好朋友，一齊賣婚紗設備，今次嘅對手戲比上次更多。」之前林千渟曾主持靈異探險節目《入住請敲門》，盡顯大膽本色。但原來表面弱質纖纖的Chloe亦同樣大膽，曾為Kelvin Boy（KB）的網上靈探節目擔任嘉賓的她說：「本身好鍾意呢類題材，無論係電影定綜藝節目都鍾意睇。」
問到二人在現實生活中，最大膽的經歷是甚麼？林千渟表示：「有次拍節目，我一個人喺荒廢咗嘅日本酒店入面，攞住個電話做直播，間酒店都有三、四層高，我自己一個就咁喺入面行咗成個鐘，係畢生最癲嘅事！」Chloe亦謂：「有次同KB拍靈探節目，去咗一間有人吊頸過身嘅屋，我哋仲要坐近嗰個人過身位置進行招魂，嗰個位仲有屍油喺度。（嗰陣好驚？）KB好搞笑，佢驚到不停講粗口，所以令到氣氛冇咁沉重。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
